COCA-COLA® သည် အာရှ စူပါစတား WIN METAWIN နှင့် ပူးပေါင်း၍ နောက်ဆုံးထွက် ကမ်ပိန်း 'A Recipe for Magic အတူကြည်နူးဖွယ်ပေါင်းစပ်မယ်' ကို အာရှတွင် စတင်လိုက်ပြီဖြစ်သည်



ဤဈေးကွက်မြှင့်တင်ရေးအစီအစဉ်သည် အစားအသောက်များ အတူမျှဝေခံစားခြင်း၏ ကြည်နူးစရာများကို ပိုမိုထင်ရှား စေပြီး အဓိပ္ပာယ်ပြည့်စုံသော စုဖွဲ့စားသောက်မှု အချိန်အခိုက်အတန့်လေးများကို အတူတကွ ဖန်တီးလာနိုင်ရန်အတွက် လူအများအားစေ့ဆော်ပေးနိုင်ဖို့ ရည်ရွယ်ပါသည်။

ထိုင်း၊ (ဇူလိုင် ၃၁၊ ၂၀၂၃) - Media OutReach - 7 သြဂုတ် 2023 - ယနေ့တွင် Coca-Cola® သည် အာရှစူပါစတား၊ သရုပ်ဆောင်နှင့် မော်ဒယ် Win Metawin ကို Coca-Cola ၏ နောက်ဆုံးထွက်အမှတ်တံဆိပ်ကမ်ပိန်းနှင့် ဈေးကွက်မြှင့်တင်ရေးအစီအစဉ်ဖြစ်သည့် 'အတူကြည်နူးဖွယ်ပေါင်းစပ်မယ်' 'A Recipe for Magic' အတွက် ပထမဆုံး အာဆီယံဆိုင်ရာ အမှတ်တံဆိပ် သံတမန်အဖြစ် ခန့်အပ်ဖော်ပြလိုက်ပါသည်။

Caption

'အတူကြည်နူးဖွယ်ပေါင်းစပ်မယ်' အစီအစဥ်သည် အစားအသောက်များ အတူတကွ ဝိုင်းဖွဲ့စုဝေးစားသောက်ခြင်းဖြင့် ရရှိလာနိုင်သော ပျော်ရွှင်ကြည်နူးမှုများကို သက်ဝင်ခံစားနိုင်ရန်နှင့် ချစ်ခင်သူများနှင့် ဝိုင်းဖွဲ့စားသောက်မှုများ ပိုမိုလုပ်ဆောင်စေရန် အားပေးထားသော အစီအစဥ်ဖြစ်သည်။ Coca-Cola ကုမ္ပဏီအနေဖြင့် 'အတူကြည်နူးဖွယ်ပေါင်းစပ်မယ်' 'A Recipe for Magic' အစီအစဥ်တွင် အာဆီယံကုန်အမှတ်တံဆိပ် သံတမန် Win Metawin အား စံနမူနာအဖြစ် ဦးဆောင် ပါ၀င်စေခြင်းဖြင့် လူအများအား အရသာရှိသော စားသောက်ဖွယ်ရာများကို သုံးဆောင်လိုသည့် အာသီသကို ဖြစ်ပေါ်လာ စေရန် သာမက စုဝေးစားသောက်မှုမှတစ်ဆင့် မိသားစုနှင့် သူငယ်ချင်းများအကြား မမေ့နိုင်သော ပျော်ရွှင်ကြည်နူးဖွယ်အချိန်များကို ဖန်တီးနိုင်ရန်အတွက် ရည်ရွယ်ထားခြင်းဖြစ်သည်။

"အစားအသောက်တွေက ကျွန်တော့်အတွက် တကယ်ကိုအရေးပါပါတယ်။ ကလေးဘဝတစ်လျှောက်လုံး မိသားစု လက်ဆုံစားတဲ့ ထမင်းစားပွဲဝိုင်းမှာ ရရှိခဲ့တဲ့ပျော်စရာ အချိန်တွေကို ပြန်လည်သတိရမိပါတယ်။ သူတို့ရဲ့ဘဝမှာ ကြုံတွေ့ခဲ့ရတဲ့ စိတ်လှုပ်ရှားဖွယ်ကောင်းတဲ့ အဖြစ်အပျက် အကြောင်းအရာတွေကို စိတ်အားထက်သန်စွာ နားလည်သင်ယူသိရှိခဲ့ရတာလည်းအဲဒီမိသားစုမိတ်ဆွေတွေ ဆုံတွေ့ကြတဲ့စားသောက်ပွဲတွေမှာပါပဲ။ မိတ်ဆုံ စားပွဲတွေဟာ ကျွန်တော့အတွက်တော့ အမှန်တကယ် ကြည်နူးဖွယ်ရာ အချိန်တွေ ဖြစ်တယ်။" ဟု Win Metawin ကပြောပါသည်။

အစားအသောက်နှစ်သက်ခုံမင်သူဟု မိမိကိုယ်ကိုယ် ခံယူထားသော Win သည် Coca-Cola နှင့် ပူးပေါင်းဆောင်ရွက်ပြီး ၎င်း၏ကိုယ်ပိုင် 'A Recipe for Magic' အတူကြည်နူးဖွယ်ပေါင်းစပ်မှုများကို အွန်လိုင်းရုပ်ရှင်၊ ဆိုရှယ်မီဒီယာ လှုပ်ရှားမှုများနှင့် အပြန်အလှန်ဆက်သွယ်ဆောင်ရွက်ခြင်းများ၊ အမျိုးမျိုးသော မီဒီယာတွေ့ဆုံဆက်ဆံခြင်းများမှတစ်ဆင့် အားပေးသူပရိသတ်များနှင့် ပိုမိုကျယ်ပြန့်သော လူမှုအသိုင်းအဝိုင်းဆီသို့ ထုတ်ဖော်ပြသသွားမည်ဖြစ်သည်။

Win နှင့်အတူ ပူးပေါင်းဆောင်ရွက်မည့် 'A Recipe for Magic' 'အတူကြည်နူးဖွယ်ပေါင်းစပ်မယ်' အစီအစဥ်ကို အရှေ့ တောင်အာရှဈေးကွက်များဖြစ်သည့် ထိုင်း၊ ဖိလစ်ပိုင်၊ ဗီယက်နမ်၊ ကမ္ဘောဒီးယား၊ မြန်မာ၊ အင်ဒိုနီးရှား၊ မလေးရှားနှင့် စင် ကာပူနိုင်ငံတို့တွင် ပွဲဦးထွက်မိတ်ဆက်သွားမည် ဖြစ်သည်။ ဤပူးပေါင်းဆောင်ရွက်မှုသည် Coca-Cola ၏ ကမ္ဘာလုံး ဆိုင် ရာ အမှတ်တံဆိပ်ခံယူချက်ဖြစ်သည့် "Real Magic" ၏ အဆန်းသစ်ဆုံး ထုတ်ဖော်ပြသမှုတစ်ခုဖြစ်ပြီး အဆိုပါ သဘောထားအယူအဆသည် ရိုးရှင်းသော ပေါင်းစပ်မှုတစ်ခုဖြစ်သည့် ချစ်ခင်ရသည့် မိတ်ဆွေအပေါင်းအသင်းများ၊ သင့်တော်သော အစားအစာနှင့် Coca-Cola အေးအေးလေးတို့သာ လိုအပ်ပြီး ၎င်းတို့ကို အတူတကွတွဲဖက်လိုက်ခြင်းဖြင့် ဝိုင်းဖွဲ့ စားသောက်ချိန်များသည် ကြည်နူးစရာအခိုက်အတန့်များစွာ ဖန်တီးနိုင်သည် ဆိုသော ယုံကြည်ချက်ကို အခြေခံပြီး ပေါက်ဖွားလာခြင်းဖြစ်သည်။

Coca-Cola နှင့် တွဲဖက်ဆောင်ရွက်နေသည့် Win ၏ လှုပ်ရှားမှုများကို Coca-Cola ၏ တရားဝင် လူမှုကွန်ရက် စာမျက်နှာ များဖြစ်သည့် Facebook, Instagram နှင့် Twitter သို့မဟုတ် ဝက်ဘ်ဆိုဒ် www.coca-cola.com တို့တွင် ၀င်ရောက် ကြည့်ရှုနိုင်ပါသည်။



Hashtag: #CocaCola

The issuer is solely responsible for the content of this announcement.
Coca-Cola ASEAN and South Pacific (ASP), အာဆီယံနှင့် တောင်ပစိဖိတ်ဆိုင်ရာ Coca-Cola  အကြောင်း
Coca-Cola ASEAN and South Pacific (ASP), အာဆီယံနှင့် တောင်ပစိဖိတ်ဆိုင်ရာ Coca-Cola အကြောင်း
Coca-Cola ကုမ္ပဏီ (NYSE: KO) သည် ကမ္ဘာ့အကြီးဆုံးအချိုရည်ကုမ္ပဏီဖြစ်ပြီး နိုင်ငံပေါင်း ၂၀၀ကျော်၌ ဈေးကွက် ရရှိထားပါသည်။ကုမ္ပဏီ၏ ရည်ရွယ်ချက်သည် ကမ္ဘာကြီးကို ပြန်လည်သစ်လွင်လန်းဆန်းစေရန်နှင့် အပြောင်းအလဲတစ်ခု ပြုလုပ်ရန်ဖြစ်သည်။ Coca-Cola (ASP) သည် အရှေ့တောင်အာရှ၊ နယူးဇီလန်နှင့် ပစိဖိတ်ကျွန်းများတစ်ဝန်းရှိ မတူ ကွဲပြား သော နိုင်ငံပေါင်း (၂၅) နိုင်ငံတွင် လုပ်ငန်းများ လည်ပတ်ဆောင်ရွက်လျက်ရှိသည်။ ကုမ္ပဏီသည် Sparkling အချို ရည်၊ ရေ၊ သစ်သီးဖျော်ရည်များ၊ နို့၊ အာဟာရဖြည့် အချိုရည်၊ အားကစားသမားများ အတွက် အားဖြည့်အချိုရည်နှင့် လက်ဘက်ရည် အပါအဝင် အရသာ ကောင်းမွန်သော အဖျော်ယမကာမျိုးစုံ ကို ထုတ်လုပ်လျက်ရှိပါသည်။ ကုမ္ပဏီ၏ ထုတ်ကုန်များတွင် သကြားပါဝင်မှုကိုလျှော့ချခြင်းမှတစ်ဆင့် ဆန်းသစ်သောထုတ်ကုန်များ ဈေးကွက်အတွင်းသို့ ရောက်ရှိ လာစေရန် ထုတ်ကုန်ပစ္စည်းများကို စဉ်ဆက်မပြတ် ပြောင်းလဲထုတ်လုပ်လျက်ရှိပါသည်။ ကုမ္ပဏီ၏ လုပ်ငန်းလည်ပတ်မှု ဖြစ်စဥ်တွင် ရေအရင်းအမြစ်များ ပြန်လည်ဖြည့်တင်းခြင်း၊ ပြန်လည်အသုံးပြုနိုင်သည့် ထုပ်ပိုးပစ္စည်းများကို အသုံးပြု ခြင်း၊ ရေရည်တည်မြဲသောအရင်းအမြစ်များကို ရှာဖွေအသုံးပြုသည့် အလေ့အထများချမှတ်ခြင်းနှင့် ကာဗွန်ဒိုင် အောက်ဆိုဒ်ဓာတ်ငွေ့ထုတ်လုပ်မှုကို လျှော့ချပေးခြင်းများမှ တစ်ဆင့် ပြည်သူလူထု၏ ဘ၀၊ လူမှု၀န်းကျင် အသိုက်အဝန်း နှင့် ကမ္ဘာမြေကြီးကို အပြုသဘော ဆောင်သော သက်ရောက်မှုများရရှိစေရန် ကြိုးပမ်းလျက်ရှိပါသည်။

Coca-Cola ကုမ္ပဏီသည် ပုလင်းထုတ်လုပ်သည့် မိတ်ဖက်ကုမ္ပဏီများနှင့်အတူ ဒေသတစ်ဝန်းရှိ ဒေသခံလူထုများအား စီးပွားရေးအခွင့်အလမ်းများရရှိစေရန် ကူညီဆောင်ရွက်လျက်ရှိပါသည်။ ပိုမို လေ့လာသိရှိနိုင်ရန်အတွက် နှင့် Twitter၊ Instagram ၊ Facebook နှင့် LinkedIn တို့ သို့ ဝင်ရောက်ကြည့်ရှုနိုင်ပါသည်။
SOURCE:

Coca-Cola ASEAN & South Pacific

CATEGORY:

Entertainment

PUBLISHED ON:

07 Aug 2023

Past Press Releases

MORE

Talk to Media OutReach Newswire today

CONTACT US NOW