Carousell Group ၏ တစ်စိတ်တစ်ပိုင်းဖြစ်သော OneKyat သည် လွန်ခဲ့သော ဆယ်စုနှစ်များအတွင်း တပတ်ရစ်ရောင်းချမှုနှင့် ဝယ်ယူမှုအပေါ် သက်ရောက်မှုများကို ၁၀ နှစ်မြောက် နှစ်ပတ်လည် အစီရင်ခံစာတွင် ဖော်ပြခဲ့ပါသည်။

ရန်ကုန်၊ မြန်မာ - မီဒီယာ ရောက်ရှိမှု - ၂၀၂၂ ခုနှစ် နိုဝင်ဘာလ ၃၀ ရက် - ၁၀ နှစ်မြောက် နှစ်ပတ်လည် အထိမ်းအမှတ်အနေဖြင့် အရှေ့တောင်အာရှ တွင် တပတ်ရစ် ပစ္စည်းမျိုးစုံ ရောင်းဝယ်ရေး ပလက်ဖောင်းတွင် ဉီးဆောင်နေသည့် Carousell Group မှ Carousell Recommerce Index (၁၀ နှစ်မြောက် နှစ်ပတ်လည်ထုတ်ဝေမှု)နှင့်အတူ ၎င်း၏ စုပေါင်းအသိုက်အဝန်း၏ ရေရှည်တည်တံ့ခိုင်မြဲမှုဆိုင်ရာ အကျိုးသက်ရောက်မှုများကို ထုတ်ဖော်ပြသခဲ့ပါသည်။ မြန်မာနိုင်ငံရှိ အကြီးဆုံး အွန်လိုင်းစျေးကွက်ဖြစ်သော OneKyat သည် Carousell Group ၏ တစ်စိတ်တစ်ပိုင်းဖြစ်သည်။

လွန်ခဲ့သည့်ဆယ်စုနှစ်များအတွင်း Group သုံးစွဲသူများသည် သန်းပေါင်းများစွာသော ပစ္စည်းများ၏ သုံးစွဲမှု သက်တမ်းကို တိုးချဲ့နိုင်ခဲ့ပါသည်။ ၎င်းတို့တွင် ပါဝင်သည်မှာ - ဖက်ရှင်ပစ္စည်းပေါင်း ၇၆.၈ သန်း၊လျှပ်စစ်ပစ္စည်း ၃၃.၉ သန်း၊ ဝါသနာဆိုင်ရာပစ္စည်းများနှင့် အရုပ်များ ၂၆.၆ သန်း ၊ အိမ်သုံးပစ္စည်းများနှင့် ပရိဘောဂ ၁၁.၁ သန်း၊ ကလေးငယ်နှင့် ကလေးပစ္စည်းများ ၁၀.၆ သန်း တို့ဖြစ်သည်။

အစီရင်ခံစာတွင် မြန်မာနိုင်ငံအတွက် အဓိက ခေတ်ရေစီးကြောင်းများကို မီးမောင်းထိုးဖော်ပြထားသည်မှာ -

• တပတ်ရစ်ပစ္စည်းများကို ရောင်းချရန် ရေပန်းအစားဆုံး အမျိုးအစားများ- လျှပ်စစ်ပစ္စည်း၊ ဆိုင်ကယ်များ၊ ကားများ

• ရှာဖွေရန် ရေပန်းအစားဆုံး တပတ်ရစ်ပစ္စည်းအမျိုးအစား- လျှပ်စစ်ပစ္စည်း၊ စက်ဘီးများ၊ ကားများ

• ဝယ်ယူသုံးစွဲသူများ အကြိုက်များ စိတ်ဝင်စားကြသည့် တပတ်ရစ်ပစ္စည်းများ - မိုဘိုင်းလ်ဖုန်းများ

Recommerce(ပြန်လည်ရောင်းဝယ်ရေး) ဆိုသည်မှာ အသစ်နှင့် အသုံးပြုထားသော နှစ်မျိုးလုံးအပါအဝင် ယခင်ပိုင်ဆိုင်ထားသော ထုတ်ကုန်များကို ရောင်းချခြင်းနှင့် ဝယ်ယူခြင်းကို ရည်ညွှန်းပါသည်။ အစီရင်ခံစာမှာ Carousell Group ၏အမှတ်တံဆိပ်များဖြစ်သည့် Carousell၊ Cho Tot၊ Laku6၊ Mudah.my၊ OneKyat၊ One Shift၊ Ox Luxe၊ Ox Street နှင့် Refash တို့မှ အချက်အလက်များ ပါဝင်ပါသည်။

အသုံးမ၀င်သောပစ္စည်းများကို ပိုမိုလွယ်ကူစွာ ရောင်းချခြင်းနှင့် ဝယ်ယူခြင်းများကို လွယ်ကူစေရန် မိုဘိုင်း-ပထမအက်ပ်အဖြစ် ၂၀၁၂ ခုနှစ်တွင် စတင်တည်ထောင်ချိန်မှစ၍ Carousell သည် အရှေ့တောင်အာရှတွင် အမျိုးအစားပေါင်းစုံသုံးပလပ်ဖောင်းတစ်ခုအဖြစ် ကြီးထွားလာခဲ့ပါသည်။ လာမည့်ဆယ်စုနှစ်တစ်ခုအတွင်း ပြန်လည်ရောင်းဝယ်ရေးကို အရှိန်မြှင့်ရန်အတွက် Group သည် အသစ်စက်စက်ပစ္စည်းများကို ဝယ်ယူခြင်းကဲ့သို့ ယုံကြည်စိတ်ချရပြီး အဆင်ပြေစေမည့် တပတ်ရစ်ပစ္စည်းများကို ဝယ်ယူသုံးစွဲသူများအတွက် လုပ်ဆောင်ချက်များနှင့် ဝန်ဆောင်မှုများကို ပေးဆောင်နိုင်ရန် နောက်ထပ်စွမ်းဆောင်ရည်များအပေါ်တွင် လုပ်ဆောင်နေပါသည်။

Carousell ပြန်လည်ရောင်းဝယ်ရေးအညွှန်း (၁၀ နှစ်မြောက် နှစ်ပတ်လည် ထုတ်ဝေမှု) ကို http://press.carousell.com/carousell-green တွင် ဒေါင်းလုဒ်လုပ်နိုင်ပါသည်။